牌義有待詳解...

星期一：上班日，半忙半閒，1單生意，落order又要計一大堆數，幾日積埋的數，亂晒籠！
寶劍國王目光清晰、頭腦精密，運用智慧作戰(準確)

星期二：上班日，忙，上午有難題要處理，師傅又不在，幾邦人都來找我，四面楚歌，最後仲要趕落現場視察，好彩有同房幫忙，代我爬上天花板。lunch去pantry叮飯，同房以為我外出食飯，所以鎖了門，可憐地在走廊遊蕩十數分鐘。下午有新嘢學，做兩單生意，又要出order...今日放工時張枱好亂，是上班以來最亂的一天
寶劍三，三劍穿心，體驗痛苦(準確)

星期三：上班日，出奇地游閒，師傅不在、老闆不在、無新生意、order又少，嘩~跟星期一和星期二是完全不同的日子
死神解終止，今日就是一連串忙碌的終止(準確)

星期四：上班日，不忙，計吓數、搞吓d文書嘢。放工開大會，氣氛尚算和平。
星星解和平、寧靜(準確)

星期五：上班日，不忙，無咩複雜嘢，lunch和兩位同事搭車去遠d食飯，食得好開心。
教宗解儀式、指引、教導...(唔多明點解)

星期六：放假日，輕鬆地渡過，下午外出shopping，有手袋、零食、擺設...收穫甚豐
皇后有豐收、滿足的意思(準確)

星期日，放假日，睡夠才起床，輕輕鬆鬆做自己喜歡做的事，下午到街市買幾日的餸菜(這已成習慣)...
太陽解開心快樂成功滿足...甚至所有好的(準確)