 | | |
| | |
|
Spaces home  飯太太的無限自由空間PhotosProfileFriends |  Tools   |
|
September 19 終於開到了，終於要走了自從昨晚出了黃山遊記後，我自己一直都開唔番嚟睇
個版load好耐好耐，只load到張底紙
剛剛delete咗黃山遊記，又順順利利可以瀏覽了
寫咗blog，但無人能夠成功瀏覽；delete卜文，才可成功開啟。這個blog已失去基本功能
一直都不想放棄舊文、舊相、舊網址....我應該是忍得最耐嗰個，現在實在是忍無可忍了
我已另起爐灶，再見SPACES test昨晚一口氣出咗黃山遊記，之後spaces就開始唔聽話，連blog主都睇唔到版面 SPACES~~太過份了吧！ 假如你現在睇到這blog，請留言，讓我統計一下有多少人能夠瀏覽 September 17 本週七天運勢(17 Sep 2007)
牌義有待詳解... 星期一：上半日班，忙，很傷腦筋，著手處理新範疇的事務，又要睇floor plan...除此之外又要應付其他濕濕碎碎的難題 有blog做証昨天提過的討厭事，真的令我耿耿於懷，尤其係評論煮食嗰部份
一個話我唔識煮飯，一個話我餐餐煮高脂肪、高膽固醇而死期不遠...
你話我小氣都係咁話，對一個煮食愛好者作出這種評論，我確實有權反感
還記得四月一日的私房飯局飯氏樓上住家菜，好彩有blog做証，呢餐飯，佢兩個都有份來食
前者，食過我呢餐飯菜，還要在大眾面前評我不懂煮飯，你好嘢！
以後還會邀請佢來我家吃飯嗎？我要慎重考慮
後者，食過我呢餐飯菜，還要鵝我高脂肪、高膽固醇，算，我就當佢沒有呢方面的知識而鵝錯咗我 September 15 家庭飯局參與家庭飯局有時都幾討厭，尤其當無嘢搵嘢嚟講的時候，我經常成為話題的焦點(其實我好討厭成為焦點)
有次一個水桶型的親戚，在飯局當中不停話我肥，又叫我舉起隻手搖吓bye bye肉俾佢睇，痴筋~
其實我不嬲都無否認肥，肥又不是罪過，我又不是靠外表吃飯
最好水桶型親戚先照照鏡或上上磅囉，品評別人之前都要看看自己是否合資格囉
半餐飯都在話我肥、又話我唔願郁......(我唔願郁就唔會行到黃山、唔會行到Meteora)
我睇佢個樣就真係好耐無郁過嘞！
講完我肥之後，又要搵話題了
竟然話我唔識煮飯
 ，又話飯宅無啖好食佢就真係唔識煮飯了，用工人多時，煮食事項一直都是假手於人，佢煮飯都出名清淡無味
飯生撐我識煮飯，佢就繼續質疑，討厭，女人一到更年期就開始令人討厭！
今晚飯局又一劑，呢個仲親d o既、仲煩d o既
多咀飯生吹水講幾句"煮好多好嘢食，高脂肪、高膽固醇..."
"高脂肪、高膽固醇"絕對係照抄廣告對白隨口up
我用的食材和煮法絕對唔算高脂肪、唔算高膽固醇，如果真係高脂肪，飯生就唔會仲係咁瘦啦
為咗健康d，我連潤腸都無食好耐了，雙黃白蓮蓉都忍住唔買
就係飯生亂咁up，唔講得笑的親戚聽唔明，開始不停鵝我：唔好呀，成日食呢d嘢，食咁多呢d嘢長期食藥都唔掂....鵝鵝鵝鵝鵝鵝鵝
嘩~都唔知佢鵝咗幾耐，時間過得很漫長，嘴裡的飯菜突然變得無味
終於忍無可忍頂番幾句：你知我煮咩咩？唔知我煮咩又講到咁多嘢o既!?........
順便再話埋飯生：你呀，亂咁up，累我無端端被人鵝......
之後靜晒，好囉，耳根清靜
呢d咁o既飯局仲難頂過"高脂肪、高膽固醇"，多吃無益！ September 14 數叮叮我的瑩印陣容如下：
 儲得很吃力，附近的7-11好似無咩好買咁，儲OK輕鬆得多
早幾日仲黑，YES~YES~YES~連攞三日，嗰種心情好似第一圈坐西位連摸三隻東，得物無所用
好彩，經各方好友協助下只欠NO, CHEQUE, COMPLETED便齊了普通版瑩印
而家有凸：CASH X 1
有興趣請留聯絡方法
LUNCH TIME(預留豆豉媽) September 13 勞資大會今日放工後去開勞資大會，開到7點幾先散，攰死！
人哋登上報紙的是扎鐵工人，我們勉強也可說成扎線工人
在我們之前，聽聞是「互怯」大隊的屠獅大會，聽聞仲有好多報紙佬出現添
我到達時已是散去大部份了，只剩下幾部休息中的攝影機，可見飛衣互組別是可其不被重視
今日屠殺主題是有關調整零零年後入職的辛囚及豈辛点
既為入局多年的舊人，一直都以為這課題與自己無關，直至前兩日老板告訴我才知悉我也是受害者之一
想一想，係喎，零零年由瑪記升過來，掹車邊都算受害喎，不過影響不大
最不能得到利益的是零零年後入局的工友
我用「最不能得到利益」，而不是「最大損失」
因為事實上是不會有損失，而是不能得到更多利益，這樣說比較公道
今日的大會似乎是白開，資方大代表似乎是不會認真處理問題
而回應不調整的原因是二奶的take home pay比正印還要多，沒得加！
言詞上是很有道理，還用20年的平均數作標準，resonable
而同工不同酬的問題是沒辦法解決的，這點我也很認同
無論甚麼機構、甚麼部門，這個問題必定存在
很簡單，就是皮蛋與雞蛋的關係，皮蛋醃了thousand years，理所當然是賣貴一點！
如果問我有無覺得唔抵？坦白說：沒有
只因當年我明知這職位是這個pay，我也是自願入紙申請、自願去interview，明符其實是「明知故犯」
再者樓梯也快要見頂了，早跳一年和遲跳一年也不是大問題
我反而期望部門裡另一個職系檢討的結果
qualification強迫地提高之後，到時可真有望加辛呢！ September 11 報價今早打去NIXON問吓個相機check成點，1號擺低嘛，無嚟聲氣
接線生話未有報價，問佢要check幾耐就答要視乎師傅的進度
上午催促一下，下午就有師傅回覆了，早知係咁就上星期打去
成部機拆開檢查，隔一個lunch就可以回覆，原來之前那十天是白等的
要換三件零件：快門組件、光圈控制、摩打
連工包料$1260，都幾相宜
呢幾件零件是常用的，就算沒有跌親都有勞損，換一換，相機又回復九成新 換過三件零件，我估心中那個傷口應該無咁痛了雖然已收到報價，都未可以開始整相機，要先通知保險公司，由保險公司批核，多麼繁複~~
保險公司通常有兩個做法，一係賠償一筆錢俾我買過部新相機，一係賠償這筆維修費用
呢單維修咁細單，我諗多數都係維修了
希望搞快d啦，我部相機趕住返屋企呀！  September 09 本週七天運勢(10 Sep 2007)
牌義有待詳解... 星期一：上班日，半忙半閒，1單生意，落order又要計一大堆數，幾日積埋的數，亂晒籠！ 好耐無登兔地桶桶：咁耐唔登兔地，都唔知有無搞錯？最多我唔嫌你部相機舊款嘞，影吓我啦，等我擺個專業model常用蒲士先
 兜兜：救命呀~救命呀~我被凳腳插住個身呀，仲掛住影相!?救我啦 又一粒應承咗兔爸多時，終於替他買了一粒黑曜石球，哈哈~玄一點可以說成現在是時機成熟了:p
 左邊嗰粒是我的，右邊嗰粒是新買的
以前上班要對著一堆負能量，所以都習慣帶著上班，放在工作枱上，吸吸衰氣
都幾見效o架，我覺得個運係好咗，應該係消除咗部份負能量，好事就相對地增強了
例如之前有一段時期可以攞正牌避開燥狂人啦、上班時再也沒有奇難雜症要處理......甚至現在整個人已調離地獄
而家都無帶黑曜石球上班了，地靈人傑，都無咩負能量要吸
我的黑曜石球日日留在家中鎮宅
兔爸成日都話想要一粒，就即管幫佢買一粒
呢粒仲靚過我嗰粒，有兩隻眼o既，不是在我原本打算幫襯嗰間度買的，兜兜轉轉去咗一間平日多賣紫、黃、白水晶球的店舖，搵吓搵吓就搵到呢粒兩隻眼的，真係整定！ 聚德軒@尖東半島中心評分(最高5星)： 1)味道 昨晚與飯生和一班朋友到尖東聚德軒吃晚飯 因等人需時，先點餐前小吃，邊吃邊等
 乳豬(夠香脆)因不足一席，所以乳豬是按人數而供應。如果足夠一席就是乳豬全體。
非常豐富，食物質素又好，很滿足 值得一提的是廁所，很衛生整潔 September 06 女版倪匡不幸，今早在巴士上遇著女版倪匡
聲唔係好聽、發音係好準、說話急速、講過不停.......
由佢上車到我落車，中途未曾間斷，身旁男士只是聆聽，沒有太多回應
天啊~晨咁早在巴士上，當然是養神的好時候，真無奈！ September 03 本週七天運勢(3 Sep 2007)       牌義有待詳解... 星期一：上班日，糟師傅放假，其他同事又忙，我無咩工作。老版交咗件重任俾我，要重整某些資料，很傷腦筋，要小心處理
錢幣侍衛雙手捧起一個大錢幣，錢幣很有份量，主角非常重視(準確)
星期二：上班日，糟師傅上班，同事又得閒教我野，所以整日都很充實，去做patching、落cabling order、config. SNMP.......再加埋老版o既task...
權仗七是遇到挑戰，主角不畏懼、有勇氣地全力面對挑戰(準確)
星期三：上班日，繼續學習，不算忙，同事都好有耐性教我，期間都會齊齊吹水開懷大笑。換轉以前嗰度，教嘢的人會招職到爆，邊有呢樹咁歡樂!?
聖杯國王有愛心、樂於助人、穩重、可靠(準確)
星期四：上班日，正式開3單生意，爆頭了，工作都幾繁複，唔熟所以做得好慢，幸得同事仗義相助。 錢幣六的叔叔慷慨、有慈善之心，在非錢財的層面就可解成熱心幫助別人，而我就處於被幫助的位置(準確)
星期五：上班日，好多同事都出咗site做事，得番幾丁友(包括我)喺office，做了一單生意，總括都算空閒
寶劍四靜止、休息(準確)
星期六：放假日，出去買黑曜石球和行街街，在朗豪坊看見靚靚手袋和鞋，好想買，可惜要趕下場，不夠時間選購，改天再買吧！ 惡魔充滿慾望、貪念，沉迷物質上的享受(準確)
星期日：放假日，面對一件(不便透露)具挑戰性的事情，要小心處理
寶劍國王精明、身付重任、掌握大權(準確) September 02 壽星公的壽桃以往，餵生果的事務通常由飯生負責，飯生又只愛吃橙，所以兔地常常吃橙
記憶中，壽星公的壽桃只買過一兩次回家，兔地吃過，反應如何就真的不太清楚，因為都由是飯生餵的
在飛機上告知桶桶要遲一日接回家，桶桶傳來壽桃的image，似乎示意"遲一日接都得，要請我吃壽桃"
前天買了三個壽桃回家，親眼看著飯生餵兔地，原來兔地是十分喜愛壽桃的，雀躍程度超越橙橙
兔地密密地搶著吃，兩把口一啖接著一啖，完全阻住飯生食壽桃
 前日、昨日、今日都有壽桃吃，兔地開心到飛起 September 01 叮噹呀~誰都喜歡你~~~~~叮噹魅力沒法擋
首先要多謝波仔媽媽的厚禮，問題未正式解決就收到酬勞，真不好意思
好鍾意呀 
如果唔係同兔友食飯，都唔知我幾時先會知道7-11有叮噹換
今日先換第1個，以後陸逐有嚟 
仲有一個surprise，是大嫂送的東瀛手信──叮噹人形燒
  粒粒都好可愛，一打開個盒就想笑
 叮噹~因太喜歡你，所以要吃掉你^0^
先叉住個身，第一啖就食佢個頭
飯生就在身旁扮叮噹把聲叫"唉吔~"
哈哈，很殘忍啊:p 維修保養日風光背後總會有些少瑕疵
現在一雙腿總算恢復過來了，但雙手開始大規模地甩皮
除此之外，黃山旅行過後還有很多手尾要處理
旅遊保險的長命功夫交俾飯生慢慢追討
素來也有買旅遊保險的習慣，好少會claim，唔貴，只係一佰幾拾的費用，所以投保時掉以輕心>.<
今次有機會claim，不過銀行好麻煩的，比人壽、危疾、醫療等還要難搞，保障範圍又簡陋
銀行收錢就好方便，只需在網上click兩click就辦妥；但要找銀行賠償就超麻煩
經過今次之後，下次要慎選旅遊保險，尤其是銀行提供的旅遊保險更是避之則吉
趁今日放假，飯氏又要為旅遊後遺症而奔波，拿相機機身到NIxON維修部大檢
慘~~我要與相機闊別一段日子！
我的寶貝相機因在黃山被「死小孩」推跌了，所以要入廠檢查
 可憐的！
說來話長，當日行完西海大峽谷，在白雲賓館午膳
一行五人坐一張四方檯，背囊、手仗、相機等隨身物都安穩地放在身旁的椅子上
這些椅子都不在通道範圍，理應不會阻人
隔離幾圍的都是旅行團，本來互不相干
就在用餐途中，鄰桌其中一名食飽飯四圍走的「死小孩」走過來，手多多推動我身旁的椅子，手仗和相機相繼倒地
我當時完全失控放聲尖叫，拾回相機後怒啤「死小孩」，「死小孩」哭著回到家人身旁
真係嬲到爆！我都未哭，「死小孩」哭甚麼？
「死小孩」的媽媽叫我看看有沒有破損，我快速大聲回應怎知裡面有沒有破!?
僵持幾秒後，「死小孩」爸爸拿出錢包...我心諗：「相機、鏡頭、濾鏡...加埋的總值，你足夠賠嗎？」
此時，他們旅行團的領隊也來了解情況
粗略地看過相機狀況，還好。不過，內裡的零件有否跌鬆？對焦、感光等功能有否受影響呢？這一跌真可大可少~~
我也不知怎樣處理好，立即收賠償又不好，就此放過他們更是不好
好彩有飯生在場，萬大事也有他去處理，真好
相方簽好了事件證明書和交換了聯絡方法，如果旅遊保險不賠就找「死小孩」賠錢！
放下相機後，要去AIGxE，搞飯生對鞋
 鞋都有得入廠檢查，需時一個月左右
話說飯生那對是AIGxE的Gortex爬山鞋，賣點就是全面防水和行山專用
今次旅程最後一天，黃山下大雨，此鞋卻經不起考驗
一間有名的零售店、一對不便宜的鞋，當然不能就此罷休啦
既然呢排都不急需穿著這對鞋，就不妨拿回廠做品質測試
還有兩枝鏡頭可能有點濕氣，遲吓再找時間送去廠抹一抹 August 28 千里傳心經過一波九節，終於回到香港了，比原定時間遲了12小時
今次外遊有驚有險，最後都能化險為夷，過程更是難能可貴
遊記會慢慢炮製
先講桶兜
因為回程延誤，接桶兜也要順延至今晚，所以而家還未把她們接回小島
話說在出發前已用傳心術溝通過，應承咗星期一晚會接兔地回家...
外遊第一晚用傳心術與桶兜聯絡
先找兜兜，沒回應
找桶桶，桶桶看來心情ok，見她捲成波狀休息，叫她要乖乖住幾日，她都有回答：「得嘞~~」
再找兜兜，feel到兜兜心情麻麻，好似想喊咁，仲話：「我要住屋企」
外遊第二晚再用傳心術與桶兜聯絡
又先找兜兜，沒回應，見到兜兜的姿勢是則身蝦米形躺在地上，不動...(個心寒一寒)
找桶桶，問佢見唔見兜兜？桶桶不停低沉地重覆：「你今次害死兜兜了.....你今次害死兜兜了.....」
再找兜兜，都係沒回應...
個心更加寒，>.<唔係咁脆弱啩!?
因有點擔心，所以第三日就打去找保母姐姐問吓咩情況
保母姐姐回報兔子們發晒脾氣，四圍"方便"是必定的事情了，又不肯食草架上的草
更麻煩的是兜兜「口硬」，尿尿在乾糧上
聽罷就舒一口氣，幸好還在~~大概昨天只是發脾氣的回應，不是真死！
第五日，因未能依原定計劃返港，所以通知一下保母姐姐
保母姐姐聲線很認真，說兜兜繼續尿尿在兔糧上，一直都食得很少...
儘管保母姐姐應承會視乎情況而考慮找獸醫，但兜兜的情況真令我擔心，我真怕她會...>.<
晚上在回程的飛機上，趁有點空閒，就在萬呎高空上聯絡桶兜
見兜兜企得好直在等我帶她回家，告訴她因為一點延誤，所以要遲一日才帶她回家，她好像聽不明白
最後也有叫兜兜乖乖進食，不要扭計，應承一定帶她回家
再告訴桶桶要遲一日帶她回家，她有點失望，不過都勉強回應：「好啦~」
然後桶桶送一個壽星桃的image給我看
um....是要求吃壽星桃吧！果然為食~
第六日(今日)，再聯絡保母姐姐約時間接桶兜，又問問桶兜情況，得知好了一點，可以放心
傳心術真的方便了我在外地聯絡桶兜，不過兩個大小姐真的嚇死我，又發脾氣又胡亂回答！ August 23 暫別數天 又飛了，今次去黃山，挑戰海拔1600至1800米的崎嶇山路昨晚跟桶桶、兜兜講定出門的安排，這次溝通好順利啊
桶桶好淡定回應：哦...得嘞...
兜兜好緊張不停問：點解呀？點解呀？....
唉~無得解，因為我要去玩~哈哈
希望呢幾日唔喺度，兩個小鬼乖乖地，尤其係要乖乖地去廁所，唔好搞到太污漕啊！
各位，下星期見！ |
|
|
Print
皮蛋酸薑
口水雞(雞嫰、惹味)
鮮果帶子卷
XO醬翠玉蝦仁(蜜豆爽甜、蝦球又大又爽口)
富貴配霸王
竹苼雞絲燴生翅
蠔皇花菰海螺片
清蒸海老虎斑
風沙脆皮燒雞(有雞味，皮脆肉嫰)
鮮蝦荷葉飯
壽包
鮮果拼盆