| Profilo di Bobo飯太太的無限自由空間FotoBlogElenchi |  Strumenti  Guida |
|
09 settembre 好耐無登兔地桶桶：咁耐唔登兔地，都唔知有無搞錯？最多我唔嫌你部相機舊款嘞，影吓我啦，等我擺個專業model常用蒲士先
 兜兜：救命呀~救命呀~我被凳腳插住個身呀，仲掛住影相!?救我啦 又一粒應承咗兔爸多時，終於替他買了一粒黑曜石球，哈哈~玄一點可以說成現在是時機成熟了:p
 左邊嗰粒是我的，右邊嗰粒是新買的
以前上班要對著一堆負能量，所以都習慣帶著上班，放在工作枱上，吸吸衰氣
都幾見效o架，我覺得個運係好咗，應該係消除咗部份負能量，好事就相對地增強了
例如之前有一段時期可以攞正牌避開燥狂人啦、上班時再也沒有奇難雜症要處理......甚至現在整個人已調離地獄
而家都無帶黑曜石球上班了，地靈人傑，都無咩負能量要吸
我的黑曜石球日日留在家中鎮宅
兔爸成日都話想要一粒，就即管幫佢買一粒
呢粒仲靚過我嗰粒，有兩隻眼o既，不是在我原本打算幫襯嗰間度買的，兜兜轉轉去咗一間平日多賣紫、黃、白水晶球的店舖，搵吓搵吓就搵到呢粒兩隻眼的，真係整定！ 聚德軒@尖東半島中心評分(最高5星)： 1)味道 昨晚與飯生和一班朋友到尖東聚德軒吃晚飯 因等人需時，先點餐前小吃，邊吃邊等
 乳豬(夠香脆)因不足一席，所以乳豬是按人數而供應。如果足夠一席就是乳豬全體。
非常豐富，食物質素又好，很滿足 值得一提的是廁所，很衛生整潔 06 settembre 女版倪匡不幸，今早在巴士上遇著女版倪匡
聲唔係好聽、發音係好準、說話急速、講過不停.......
由佢上車到我落車，中途未曾間斷，身旁男士只是聆聽，沒有太多回應
天啊~晨咁早在巴士上，當然是養神的好時候，真無奈！ 03 settembre 本週七天運勢(3 Sep 2007)       牌義有待詳解... 星期一：上班日，糟師傅放假，其他同事又忙，我無咩工作。老版交咗件重任俾我，要重整某些資料，很傷腦筋，要小心處理
錢幣侍衛雙手捧起一個大錢幣，錢幣很有份量，主角非常重視(準確)
星期二：上班日，糟師傅上班，同事又得閒教我野，所以整日都很充實，去做patching、落cabling order、config. SNMP.......再加埋老版o既task...
權仗七是遇到挑戰，主角不畏懼、有勇氣地全力面對挑戰(準確)
星期三：上班日，繼續學習，不算忙，同事都好有耐性教我，期間都會齊齊吹水開懷大笑。換轉以前嗰度，教嘢的人會招職到爆，邊有呢樹咁歡樂!?
聖杯國王有愛心、樂於助人、穩重、可靠(準確)
星期四：上班日，正式開3單生意，爆頭了，工作都幾繁複，唔熟所以做得好慢，幸得同事仗義相助。 錢幣六的叔叔慷慨、有慈善之心，在非錢財的層面就可解成熱心幫助別人，而我就處於被幫助的位置(準確)
星期五：上班日，好多同事都出咗site做事，得番幾丁友(包括我)喺office，做了一單生意，總括都算空閒
寶劍四靜止、休息(準確)
星期六：放假日，出去買黑曜石球和行街街，在朗豪坊看見靚靚手袋和鞋，好想買，可惜要趕下場，不夠時間選購，改天再買吧！ 惡魔充滿慾望、貪念，沉迷物質上的享受(準確)
星期日：放假日，面對一件(不便透露)具挑戰性的事情，要小心處理
寶劍國王精明、身付重任、掌握大權(準確) 02 settembre 壽星公的壽桃以往，餵生果的事務通常由飯生負責，飯生又只愛吃橙，所以兔地常常吃橙
記憶中，壽星公的壽桃只買過一兩次回家，兔地吃過，反應如何就真的不太清楚，因為都由是飯生餵的
在飛機上告知桶桶要遲一日接回家，桶桶傳來壽桃的image，似乎示意"遲一日接都得，要請我吃壽桃"
前天買了三個壽桃回家，親眼看著飯生餵兔地，原來兔地是十分喜愛壽桃的，雀躍程度超越橙橙
兔地密密地搶著吃，兩把口一啖接著一啖，完全阻住飯生食壽桃
 前日、昨日、今日都有壽桃吃，兔地開心到飛起 01 settembre 叮噹呀~誰都喜歡你~~~~~叮噹魅力沒法擋
首先要多謝波仔媽媽的厚禮，問題未正式解決就收到酬勞，真不好意思
好鍾意呀 
如果唔係同兔友食飯，都唔知我幾時先會知道7-11有叮噹換
今日先換第1個，以後陸逐有嚟 
仲有一個surprise，是大嫂送的東瀛手信──叮噹人形燒
  粒粒都好可愛，一打開個盒就想笑
 叮噹~因太喜歡你，所以要吃掉你^0^
先叉住個身，第一啖就食佢個頭
飯生就在身旁扮叮噹把聲叫"唉吔~"
哈哈，很殘忍啊:p 維修保養日風光背後總會有些少瑕疵
現在一雙腿總算恢復過來了，但雙手開始大規模地甩皮
除此之外，黃山旅行過後還有很多手尾要處理
旅遊保險的長命功夫交俾飯生慢慢追討
素來也有買旅遊保險的習慣，好少會claim，唔貴，只係一佰幾拾的費用，所以投保時掉以輕心>.<
今次有機會claim，不過銀行好麻煩的，比人壽、危疾、醫療等還要難搞，保障範圍又簡陋
銀行收錢就好方便，只需在網上click兩click就辦妥；但要找銀行賠償就超麻煩
經過今次之後，下次要慎選旅遊保險，尤其是銀行提供的旅遊保險更是避之則吉
趁今日放假，飯氏又要為旅遊後遺症而奔波，拿相機機身到NIxON維修部大檢
慘~~我要與相機闊別一段日子！
我的寶貝相機因在黃山被「死小孩」推跌了，所以要入廠檢查
 可憐的！
說來話長，當日行完西海大峽谷，在白雲賓館午膳
一行五人坐一張四方檯，背囊、手仗、相機等隨身物都安穩地放在身旁的椅子上
這些椅子都不在通道範圍，理應不會阻人
隔離幾圍的都是旅行團，本來互不相干
就在用餐途中，鄰桌其中一名食飽飯四圍走的「死小孩」走過來，手多多推動我身旁的椅子，手仗和相機相繼倒地
我當時完全失控放聲尖叫，拾回相機後怒啤「死小孩」，「死小孩」哭著回到家人身旁
真係嬲到爆！我都未哭，「死小孩」哭甚麼？
「死小孩」的媽媽叫我看看有沒有破損，我快速大聲回應怎知裡面有沒有破!?
僵持幾秒後，「死小孩」爸爸拿出錢包...我心諗：「相機、鏡頭、濾鏡...加埋的總值，你足夠賠嗎？」
此時，他們旅行團的領隊也來了解情況
粗略地看過相機狀況，還好。不過，內裡的零件有否跌鬆？對焦、感光等功能有否受影響呢？這一跌真可大可少~~
我也不知怎樣處理好，立即收賠償又不好，就此放過他們更是不好
好彩有飯生在場，萬大事也有他去處理，真好
相方簽好了事件證明書和交換了聯絡方法，如果旅遊保險不賠就找「死小孩」賠錢！
放下相機後，要去AIGxE，搞飯生對鞋
 鞋都有得入廠檢查，需時一個月左右
話說飯生那對是AIGxE的Gortex爬山鞋，賣點就是全面防水和行山專用
今次旅程最後一天，黃山下大雨，此鞋卻經不起考驗
一間有名的零售店、一對不便宜的鞋，當然不能就此罷休啦
既然呢排都不急需穿著這對鞋，就不妨拿回廠做品質測試
還有兩枝鏡頭可能有點濕氣，遲吓再找時間送去廠抹一抹 28 agosto 千里傳心經過一波九節，終於回到香港了，比原定時間遲了12小時
今次外遊有驚有險，最後都能化險為夷，過程更是難能可貴
遊記會慢慢炮製
先講桶兜
因為回程延誤，接桶兜也要順延至今晚，所以而家還未把她們接回小島
話說在出發前已用傳心術溝通過，應承咗星期一晚會接兔地回家...
外遊第一晚用傳心術與桶兜聯絡
先找兜兜，沒回應
找桶桶，桶桶看來心情ok，見她捲成波狀休息，叫她要乖乖住幾日，她都有回答：「得嘞~~」
再找兜兜，feel到兜兜心情麻麻，好似想喊咁，仲話：「我要住屋企」
外遊第二晚再用傳心術與桶兜聯絡
又先找兜兜，沒回應，見到兜兜的姿勢是則身蝦米形躺在地上，不動...(個心寒一寒)
找桶桶，問佢見唔見兜兜？桶桶不停低沉地重覆：「你今次害死兜兜了.....你今次害死兜兜了.....」
再找兜兜，都係沒回應...
個心更加寒，>.<唔係咁脆弱啩!?
因有點擔心，所以第三日就打去找保母姐姐問吓咩情況
保母姐姐回報兔子們發晒脾氣，四圍"方便"是必定的事情了，又不肯食草架上的草
更麻煩的是兜兜「口硬」，尿尿在乾糧上
聽罷就舒一口氣，幸好還在~~大概昨天只是發脾氣的回應，不是真死！
第五日，因未能依原定計劃返港，所以通知一下保母姐姐
保母姐姐聲線很認真，說兜兜繼續尿尿在兔糧上，一直都食得很少...
儘管保母姐姐應承會視乎情況而考慮找獸醫，但兜兜的情況真令我擔心，我真怕她會...>.<
晚上在回程的飛機上，趁有點空閒，就在萬呎高空上聯絡桶兜
見兜兜企得好直在等我帶她回家，告訴她因為一點延誤，所以要遲一日才帶她回家，她好像聽不明白
最後也有叫兜兜乖乖進食，不要扭計，應承一定帶她回家
再告訴桶桶要遲一日帶她回家，她有點失望，不過都勉強回應：「好啦~」
然後桶桶送一個壽星桃的image給我看
um....是要求吃壽星桃吧！果然為食~
第六日(今日)，再聯絡保母姐姐約時間接桶兜，又問問桶兜情況，得知好了一點，可以放心
傳心術真的方便了我在外地聯絡桶兜，不過兩個大小姐真的嚇死我，又發脾氣又胡亂回答！ 23 agosto 暫別數天 又飛了，今次去黃山，挑戰海拔1600至1800米的崎嶇山路昨晚跟桶桶、兜兜講定出門的安排，這次溝通好順利啊
桶桶好淡定回應：哦...得嘞...
兜兜好緊張不停問：點解呀？點解呀？....
唉~無得解，因為我要去玩~哈哈
希望呢幾日唔喺度，兩個小鬼乖乖地，尤其係要乖乖地去廁所，唔好搞到太污漕啊！
各位，下星期見！ 全卷完終於考完試了，心情興鬆晒
開張牌卜一卜先 對試卷的感覺 對成績的預期
  試卷內容都算大路，感覺如牌中女人一樣平易近人，問題是有層次地開宗明義，不算鬼鼠
錯漏總會有的，應該唔會漏得太過份o既
如黛所料有一題完全不懂，因為我毫無準備，這題是最麻Q煩的，所以廢事花時間讀
不過5選4，剛好可以剔除那題不答
對成績的預期
圖中一對手包含著大部份的，還有兩條炎蛇托著好穩陣，只有少部份沒被包著 應該是合格啩...^0^希望準確啦，兩個月後出成績就可以對答案了！ 20 agosto 做個正常人九五人，以後朝朝都同兔爸坐船過海，仲可以一齊食早餐添！
 今早比法定時間還要早返到，要去舊位抄番d file
準時就去找新老闆報到，老闆叫我去新位坐吓先，咁我就setup吓部pc和枱面
10點見老闆，講吓in-house rules、工作安排、同事分工...然後派三件法寶俾我：
就是pager、房門匙、各式各樣的櫃匙(別誤會我是on call開鎖佬>.<) 
然後又返位睇吓d doc、改門牌、setup百無的pc(搞outlook都搞咗成朝)、出memo印咭片...
糟同事又帶我巡場、巡倉，d hardware千奇百怪，一時間真係好難入腦
中午一大班同事+老闆去飲茶，吹水吹個不停，非常融洽
下午跟住d同事去開會，唉~好複雜o既，有好多$$要計
開完會又返位睇吓d doc，d同事又入嚟吹吓水...好快又到下班時間！
今天的活動都算豐富了 19 agosto 本週三天運勢(20 Aug 2007)只預測頭三天，因四-日不在港
 
牌義有待詳解... 星期一：新post上任非常興奮，四處看看了解環境和工作，與同事相處愉快
權仗侍衛是未成熟的但富有熱忱(準確)
星期二：今日個個同事都好忙呀，我繼續刨documents，內容好深呀，隻眼好攰呀
寶劍國皇代表嚴肅、認真、智慧思考(準確)
星期三：又放假了，日間去圖書館溫書，然後夜晚就去考試
女祭司代表智慧、學術(準確) 卜學業星期三考試了，備戰多月，結果如何呢？
本人 現況 發展 應做 唔做
     看來勢頭不錯，準唔準就真係要等星期三先知曉
有興趣人士可以嘗試幫我解解牌 停兔場小巴、地鐵每晚收車後總有個地方停泊
我家兔地每日下午收車後又泊去邊樹呢^^？
就係泊喺呢樹囉...
 單線雙程路，一個跟住一個泊好，記得熄匙！ 抖一個下午，然後又出來車來車去  (一時像亡命小巴般橫衝直撞，一時像泥鯭的般在指定地方釣釣客...)出冊....離開時不要回頭！終於完成在數據部最後一日的工作
買了一對女鞋子鼓勵一下自己 放兩日假，就去效力另一小組
雖然是同一層樓，但是環境和氣氛都截然不同，好期待啊 15 agosto 是日早餐
樓下新開的麵包店水準不俗，不走超值路線，但食落就知物有所值！
今天睡醒後去買一個雞尾包和粟米火腿沙律包，十分足料，從未吃過咁足料的粟米火腿沙律餡，正！
原址本來是東X堂，東X堂做西餅了得，但包包就麻麻地
一般人可以日日食包包，但很少會日日食西餅，結果"名店"也要結業
從小島論壇得知，而家晨早買包的情況很虛撼，跟以前東X堂相差甚遠
講住咁多包先
其實今日早餐的主角是....右下角的黑豆漿
 買包包只是用來配自磨黑豆漿咋，「醉翁之意不在包，在乎黑豆漿也」，聽過未？~wakaka~~
這是正宗的黑豆漿啊，材料就是用黑豆囉，跟街外買的不同，那些其實是黑芝麻豆漿啊
有益~~ 13 agosto 吳越之間評分(最高5星)： 1)味道 昨晚與飯生到中環吳越之間食個快飯 酸辣雲吞麵，料很足，味道不錯 本週七天運勢(13 Aug 2007)
牌義有待詳解...
星期一：完成最後一天夜班，早上與同事共進最後的早餐，然後回家怒瞓至黃昏 |
皮蛋酸薑
口水雞(雞嫰、惹味)
鮮果帶子卷
XO醬翠玉蝦仁(蜜豆爽甜、蝦球又大又爽口)
富貴配霸王
竹苼雞絲燴生翅
蠔皇花菰海螺片
清蒸海老虎斑
風沙脆皮燒雞(有雞味，皮脆肉嫰)
鮮蝦荷葉飯
壽包
鮮果拼盆
|
|
